Si Jesus ay nasa Jerusalem na at siya’y hinarap ng mga taong alam niyang magkakaroon ng gampanin sa kanyang kamatayan — ang mga nakatatanda, mga eskriba at mga punong-pari. Bago dumating sa ating talatang babasahin ngayon, sunod-sunod na nagbigay si Jesus ng mga talinghagang nagpagalit sa kanyang mga kaharap. Ang huli ay ang talinghaga tungkol sa piging ng hari kung saan tinukoy niya ang mga Judio sa mga inanyayahang hindi karapat-dapat sumama sa dulang ng hari at ng kanyang anak na ikakasal. Basahin natin ngayon ang Mateo 22:15-22

Sa pag-uumpisa ng Mateo 22:15-22, makikita ang mga Pariseo na nagbabalak hulihin si Jesus sa pananalita. Kung kayat pinapunta nila ang kanilang mga istudyante kasama ang partido ni Herodes upang subukin si Jesus. Sa unang pagkakataon, makikita nating magkasama ang mga alagad ng mga Pariseo at mga ka-partido ni Herodes. Sa pagkakataong ito, ang mga ka-partido ni Herodes ang maaaring makapagpatunay na si Jesus ay laban sa Imperyo Romano kung sakali mang magtagumpay sila sa kanilang plano.

Ano ba ang plano? Sa sagot ni Jesus sa kanilang katanungan tungkol sa buwis ay malalaman kung siyay isang Judiong deboto o isang rebelde. Isa-isahin natin ang elemento ng salaysay.

Basahin din ang mga sumusunod na lathalain:

• Workshop: Giving to Caesar and Giving to God
• Mag-aral TayoAng Pakikitungo kay Cesar at sa Diyos
• Bibliya Tagala: Ibigay ang Kay Cesare; Ibigay ang Sa Diyos

Ang Talinghaga ng Piging ng Kasalan

Ang ikatlong talinghaga ni Jesus para sa kanyang mga taga-pakinig na binubuo ng mga lider ng Judaismo ay tungkol sa paghahari ng Diyos. Ang dalawang talinghagang nauna ay hindi nag-uumpisa sa katagang ang paghahari ng Diyos ay tulad ng Samakatuwid ang ikatlong talinghaga ay hindi lamang para sa mga lider ng mga Judio kungdi para rin sa mga nag-iisip na silay kasama na sa paghahari ng Diyos ang mga tagapakinig ng ebanghelyo ni Mateo.

May dalawang malalaking bahagi ang talinghaga. Ang una ay tungkol sa pagtawag sa mga inanyayahan. Ang mga “inanyayahan” ay yaong mga nakasulat na sa listahan ng mga ninanais ng hari na makasama sa piging. Nang tawagin na ang mga ito’y bigla naman silang nag-alisan; wala silang interes sa piging ng hari. Tinawag muli sila ng hari, nang malapit nang mag-umpisa ang piging:

‘Sabihin ninyo sa mga inanyayahan na nakahanda na ang mga pagkain,
napatay na ang aking mga baka at mga pinatabang guya,
at handa na ang lahat.
Halina kayo!’

Nguni’t lalo pang nagpakita ng kawalan ng interes ang mga inanyayahan. Bukod dito’y pinakitaan pa nila ng dahas ang mga alipin ng hari. Sa bahaging itoy nakakatulad ng talinghagang ito ang nauna tungkol sa mga mararahas na manggagawa sa ubasan…

Basahin din ang mga sumusunod na pahina:

• Workshop A Banquet and the Proper Dress Code
• Mag-aral TayoSa Piging ng Panginoon
• Bibliya Tagala Marami ang Tinawag Nguni’t Kakaunti ang Hinirang

Ang talinghaga ng mga tampalasang manggagawa sa ubasan ay isang alegoriya ng mangyayari kay Jesus sa kamay ng mga matatanda ng bayan, punong-pari at mga eskriba. Si Jesus ang anak ng may-ari ng ubasan na isinugo upang hingin ang bunga ng ubasan para sa kanyang Ama. Sa talinghagang ito ay hindi lamang ang kanyang Kamatayan kungdi pati na rin ang mangyayhari pagkatapos ng kanyang Muling Pagkabuhay ay kanyang ipaparinig sa kanyang mga taga-usig.

Ang ubasan ni Yahweh ay ang bayang Israel, at ang punong-ubas ay ang Judah. Ang ubasan ay kanyang pinagpaguran, pinaganda, pinatayuan ng toreng-bantayan at tinaniman ng piling ubas. Nguni’t ito’y hindi nagbigay ng magagandang bunga. Kaya nga wawasakin ni Yahweh ang mga bakod nito at hahayaang pasukin ng mga hayop. Hindi na aalagaan ni Yahweh ang ubasan, hahayaan na lamang niyang ito’y masira at mapuno ng tinik at damo. Ang mga talatang ito’y isang pagsasakdal laban sa Israel at Judah na hindi nagbigay ng mga bunga ng katarungan. Ang umpisa ng talinghaga ni Jesus ay katulad ng propesiyang ito ni Isaias at sinadya niyang ipaalala ang mga salitang ito ng propeta. Nguni’t ang pagkakatulad ay hanggang sa pisaang balon at toreng bantayan lamang. Naiba ang takbo ng talinghaga ni Jesus nang banggitin niya ang pagpapaupa ng ubasan sa ibang tao samantalang nagpasa-ibang-bayan naman ang may-ari…

Basahin din ang mga sumusunod na lathalain:

• Workshop: The Parable of the Wicked Tenants
• Mag-aral Tayo: Ang Mga Tampalasang Upahan sa Ubasan
• Bibliya Tagala: Talinghaga ng mga Tampalasang Nangungupahan (Mateo 21:33-46)

Talking Points

• Ang Konteksto ng Talinghaga sa Paninilbihan ni Jesus sa Jerusalem
• Ang Anak na Tumalima sa Ama
  • Si Juan Bautista
  • Ang Kaharian/Paghahari ng Langit
  • Ang Daan ng Katarungan
• Ang Mga Hindi Tumalima sa Ama

Ang talinghaga ay sumasalamin sa isang tagpo na normal noong mga panahon ng Panginoon. May isang may-ari ng ubasan na tatawag ng mga taong magta-trabaho sa kanyang ubasan. Pupunta siya sa liwasan ng bayan upang pumili ng mga manggagawa. Hindi naman lahat ay maaari niyang pipiliin — yaong mga malakas at malusog at mga kaya niyang bayaran lamang. Ang isang araw na trabaho ay mula umaga hanggang sa paglubog ng araw, at kadalasang isang denaryo ang halaga nito.

Sa ating talinghaga, ang may-ari ng ubasan ay lumabas at pumili ng mga manggagawa para sa kanyang ubasan; at ginawa niya ito sa iba’t ibang oras ng araw.

Sa mga Judio, ang pagbubukang-liwayliway — alas sais ng umaga — ang umpisa ng araw. Ang ikatlong oras ay alas nueve ng umaga; ang ika-anim na oras ay alas-dose ng tanghali; ang ika-siyam na oras ay alas-tres ng hapon. Ang ika-labing-isang oras ay alas-singko ng hapon. Noong mga panahong iyon, hindi kagulat-gulat na sa kumukuha pa ng manggagawa para sa ubasan hanggang alas-tres ng hapon. May mga “small farmers” kasi na pagkatapos nilang magtrabaho sa kani-kanilang mga ubasan ay lumalabas pa upang magpa-upa sa iba. Kaya hanggang noong malapit nang matapos ang oras ng pagtatrabaho ay kumuha pa siya ng mga manggagawa sa kanyang ubasan. Sa mga panahon kasi ng ani, kailangang matapos sa isang araw ang pag-aani kung kaya’t hangga’t may aanihin, kailangang may magtatrabaho. Hanggang dito ay normal pa ang may-ari ng ubasan sa ating talinghaga. Malaki siguro ang ubasan at maraming aanihin kung kaya’t kailangan niya ng mga tauhan hanggang sa huling oras bago lumubog ang araw…

Basahin din ang mga sumusunod na lathalain:

• Workshop: The Parable of the Vineyard Owner
• Mag-aral Tayo: Ang Talinghaga ng mga Manggagawa sa Ubasan
• Bibliya Tagala: Ang mga Nauna’t Nahuli

Talking Points

• Ang Tanong ni Pedro and Paunang Tugon ni Jesus
  • Pitumpu’t Pito o Pitumpung ulit ng Pito?
  • Si Cain at Lamech
• Ang Talinghaga ng Aliping Malupit
  • Paanong Nagkautang ang Alipin?
  • Ang Halaga ng Talento
  • Ang “Panghihimasok” ng Hari
• Magpatawad ng Buong Puso

Talking Points

1. Ang Konteksto ng Mateo 18:15-20
2. Ang Kapangyarihan na Magbigkis at Magluwag (18)
3. Ang Proseso ng Pakikipagkasundo (15-17)
   • ipakita at kumbinsihin sa kasalanan (15)
   • ang Iglesya at ang tungkulin sa pakikipagkasundo
   • ituring siyang Hentil o maniningil ng buwis (17)
4. Ang Panalangin na may Pagkakaisa (19-20)

Pagkatapos ng kaganapan sa Caesarea-Filipos kung saan ipinahayag ni Pedro na si Jesus “ang Mesiyas, ang Anak ng Diyos na Buhay“, nag-umpisa rin si Jesus na ipagsabing siya’y pupunta sa Jerusalem at ipapapatay. Si Jesus nga ang “Mesiyas” nguni’t siya ay “Mesiyas” na “Lingkod” muna ng Diyos. Nang siya’y binyagan ni Juan Bautista, sinabi ng tinig sa ulap na siya “ang Anak, ang Pinakamamahal”, mga salitang tumutukoy hindi lamang sa kanyang pagiging Mesiyas kungdi pati na rin sa kanyang pagiging Lingkod na Nagsusumakit ng Diyos.

Basahin din ang mga sumusunod:

• Workshop: The Cross of Discipleship
• Mag-aral Tayo: Ang Krus at ang Alagad
• Tagala: Ang Pagsunod sa Likuran ni Jesus (Mateo 16:21-27)

Bago umakyat ang Panginoon at mailuklok sa kanan ng Ama, iniwanan niya kay Pedro ang tungkulin na pangalagaan ang kanyang Iglesya. Sa ebanghelyo ni Juan 21:15-19, isinasalaysay na makatatlong beses na sinabihan ni Jesus si Pedro na pakainin ang kanyang mga tupa. At sa ebanghelyo naman ni Mateo — ang mga talatang babasahin natin ngayon — ang tungkuling iyan ay napapaloob sa misyon ni Pedro bilang “batong” sasaligan ng Iglesya.

Talking Points

• Ang mga talata 17-19 ng Mateo 16
• Caesarea Filipos (Caesarea ni Felipe)
• Ikaw ang Cristo, Anak ng Diyos na Buhay
  • Cristo = Mesiyas
  • Anak ng Diyos
• Ikaw ay Kepha
  • Si Pedro, Batong sasaligan ng Iglesya
  • “Petra” = malaking bato
• Ang Susi ng Kaharian
• Ang paggawa at pagpapatupag ng batas
• Ang sekreto ng Mesiyas

Basahin din ang mga sumusunod:

• Bibliya Tagala: Ikaw ay “Pedro”
• Magaral Tayo: Si Pedrong Bato

Ang salaysay tungkol sa babaeng Cananea na matatagpuan sa Mateo 15:21-28 ay tungkol sa isang ina na tumawid ng hangganan ng marumi at malinis, banal at di-banal upang lumapit kay Jesus at humingi ng tulong para sa kanyang anak na inaalihan ng demonyo. Para sa mga Katoliko, salaysay tungkol sa babaeng ito ay isang halimbawa ng panalanging nagmumula sa pananampalataya. Ito rin ay isang antisipasyon ng pagtanggap ng mga Hentil kay Jesus.

Ang Mateo 15:21-28 ay matatagpuan pagkatapos ng pagtatalo ni Jesus at ng mga Fariseo tungkol sa malinis at marumi, sa Mateo 15:1-20. Sa huling bahagi ng mga talatang ito, ipinaliwanag ni Jesus na ang nagpaparumi sa tao ay hindi yaong mga pumapasok sa kanya mula sa labas kungdi ang mga nagmumula sa kanyang puso. Pagkatapos nito ay ang paglipat ni Jesus sa mga hangganan ng Tiro at Sidon, ang geograpikong hangganan ng Banal ng Lupa at ang lupain ng mga pagano. At doon, sabi sa tekstong Griyego, may babaing tumawid ng hangganan upang lumapit kay Jesus (tingnan ang salin ng Ang Biblia). Ang babaing tumawid ay nagmula sa mga lugar ng Tiro at Sidon. Ang pagbanggit ng salitang “hangganan” ay nagpapahiwatig sa mambasa na ang salaysay ay tungkol sa kung hanggang saan maaaring iparanas sa mga hindi Israelita ang mga pagpapalang itinakda para sa mga anak ni Israel.

Talking Points

• Ang Konteksto: sa Hangganan ng Malinis at Marumi
• Ang Babaeng Tumawid ng Hangganan
  • “Cananea”
  • “Aso” na Hindi Dapat Binibigyan ng Tinapay para sa mga Anak
• Dakilang Pananampalataya
  • Kumakatawan sa mga Hentil
  • Anunsiyo ng Pagpapakain ng Iglesya ng mga Hentil
• Halimbawa ng Panalanging Nagmumula sa Pananampalataya

Basahin din ang mga sumusunod na pahina:

• Mag-aral: Ang Babaeng Cananea (Mateo 15:21-28)
• Tagala: Ang Pananampalatayang Dakila

Talking Points

• Tatlong Pagsasalarawan sa Ka-akuhan (“Identity”) ni Jesus
• Punong-pari
  • Ang Karagatan at Kaguluhan (Gen. 1:1-2; Ps. 104:6b-9)
• Panginoon sa Ibabaw ng Karagatan (Job 9:8; Ps. 77:20)
  • Ang Ika-apat na Ronda
  • Peripatein
  • Ang Diyos na Naglakad sa Ibabaw ng Karagatan
• Manliligtas
  • Ang “Sigaw” ni Pedro
  • Taong Maliit ang Pananampalataya
• Pahayag ng mga Alagad: Anak ng Diyos
  • Divi Filius
  • Immanu-El

Basahin din ang mga sumusunod na pahina:

• Workshop: High Priest, Lord and Savior
• Mag-aral Tayo: Ang Paglalakad ni Jesus sa Tubig
• Tagala: At Siya’y Sinamba Nila

Ayon sa mga ebanghelyo nina Markos, Mateo at Lukas, dalawang beses nagpakain ng libo-libong tao si Jesus — isa para sa isang madla ng limang-libo, at isa pa, para sa isang madla na binubuo ng apat na libo. Para sa mga ebanghelistang ito, ang dalawang pagpapakain ay pawang mga himala na nagpapahiwatig ng gagawin ni Jesus sa Huling Hapunan, antispasyon ng Eukaristiya ng Iglesya. Sa Mateo 14:13-21 ay matatagpuan ang salaysay ni Mateo tungkol sa unang pagpapakain.

Ang salaysay tungkol sa pagpapakain ng limang-libo ay matatagpuan din sa Markos 6:32-44. Doon ay malinaw na makikita ang mga sumusunod:

1. ang interes ni Markos na ipakitang ang pagpapakain ng limang-libong katao ay ang pinakahihintay na pagpapakain ng Mesiyas ng manna sa mga huling araw
2. na ang pagpapakaing ito ay antisipasyon ng Huling Hapunan at ng Eukaristiya
3. na ito’y isang himalang panlipunan: na gaano man kakonti ang risorse ng mga alagad, sa tulong ni Jesus ito ay maaaring magamit para sa ikabubuti ng lahat.

Sa pagkakasalaysay ni Mateo, ang mga naipakita na ni Markos makikita rin, ngunit kapansin-pansin ang ilang kaibahan. Una, ang pagpapakain ng limang-libo kay Mateo ay nangyari sa pinakamababang yugto ng ministeryo ni Jesus kung saan naranasan niya ang pagkabigo, ang pagkamatay ni Juan Bautista, at ang banta ni Haring Herodes. Ikalawa, bagaman kinuha ni Jesus ang tinapay at mga isda habang nagpasalamat, sa pamamahagi ng mga ito’y parang nakalimutan ni Mateo na banggitin ang mga isda, kung kaya’t lalo pa nitong pinatingkad ang kaugnayan ng pagpapakain sa Huling Hapunan. Ikatlo, ang bilang ng mga taong nanduon ay mukhang mas malaki Mateo dahil ayon sa kanya, ang mga lalaking nanduon ay limang-libo, bukod pa sa mga babae at bata. Ang mahimalang pagpapakain sa madla ay ipinagdidiinan ni Mateo.

Basahin din ang mga sumusunod na lathalain

• Mag-aral Tayo: Ang Pagpapakain ng Limang-Libo
• Bibliya Tagala: Ang Pagpapakain ng Limang-libo (Mateo 14:13-21)

Pagkatapos ipaliwanag ng Panginoon ang kahulugan ng talinghaga ng mabubuting binhi at masasamang damo,ay nagdagdag pa siya ng tatlo pang talinghaga sa kanyang mga alagad na parang mga mag-aaral na matamang nakikinig sa kanilang guro. Tatlo ang talinghaga, dalawa tungkol sa kahalagahan ng kaharian ng langit at isa tungkol sa dapat na maging gawi ng mga mangingisda ng tao sa madami nilang huli. Ang huli ay hindi dapat pinaghihiwalay agad; ang panahon ng paghihiwalay ay mangyayari kapag tapos na ang trabaho ng panghuhuli, kapag dumaong na ang bangka sa dalampasigan. Ang mga talata sa Mateo 13, 44-52 ay nahahati sa tatlong bahagi: una, ang mga talinghaga tungkol sa nakabaong kayamanan at perlas na walang kasing-halaga (tt. 44-46); ikalawa, ang talinghaga tungkol sa lambat na maraming huling isda (tt. 47-50); at ang huli, ang pagtatapos, sa tt. 51-52. Muli pagsasalit-salitin ko ang pagbasa ng teksto at ang komentaryo.

Talking Points

• Talinghaga ng Perlas at Kayamanang Nakatago
  • Mga Pagkakatulad
  • Ang Kaharian, si Jesus Mismo (Orihen)
  • Ang Pagsunod kay Jesus
  • “Doo’y mananangis sila at magngangalit ang mga ngipin”
• Talinghaga ng Maraming Huli
  • Para sa mga Mangingisda ng Tao
  • Ang Araw ng Paghuhukom
• Ang “Resourceful” na Eskriba ng Kaharian ng Langit

Basahin din ang mga sumusunod na lathalain

• Mag-aral Tayo: Mga Talinghaga ng Kaharian
• Tagala: Ang Kayamanan, Perlas at ang Lambat

Ang Talinghaga ng mga Mabubuting Binhi at Mapanirang Damo ay isa sa mga klasiko ng mga turo tungkol sa pamumuhay sa Iglesya. “Kayo ang bukirin ng Diyos” wika nga ni San Pablo, kung kaya’t madaling unawain ang talinghaga bilang isang turo tungkol sa buhay sa loob ng Iglesya. Pansin ng lahat na kahit sa loob ng Iglesya ay magkakahalo ang mga masasamang Kristiyano at iyong mga mabubuti. Hindi kaya mas maganda — tulad ng mungkahi ng mga alipin sa talinghaga — na paghiwalayin na agad ang mga masasamang damo sa mga mabubuting tanim? Hindi ba’t mas mabuting itiwalag na agad at ilista sa mga hindi maililigtas ang mga taong hindi naman nabubuhay ayon sa mga banal na doktrina ng Iglesya? Madaling isiping tama ang mga mungkahing ito. Nguni’t ang mga ito ba’y ayon sa pag-iisip ng Panginoon?

Isa pang talinghaga tungkol sa isang naghasik. Kung tutuusin para sa mga taga-pakinig ng mga salaysay nuong unang siglo, hindi mahalaga yung mga kwentong nagkakatulad. Ang mahalaga ay ang mga pagbabago. Maaaring ang umpisa ng talinghaga ay katulad nang matatagpuan sa naunang talinghaga tungkol sa mga binhing inihasik. Nguni’t ang pagbanggit nang isa pang naghasik sa bukirin ding iyon habang ang iba’y natutulog ang nagpapabago ng kwento. Dalawang uri ng binhi kung sa gayon ang nakatanim sa iisang bukirin: ang mabuting binhi na nagmula sa may-ari, at ang mapanirang damo mula sa kanyang kaaway.

Basahin din ang mga sumusunod na mga pahina

• Mag-aral Tayo: Mabuting Binhi, Masasamang Damo
• Bibliya Tagala: Talinghaga ng mga Mabubuting Binhi at Masasamang Damo

Ang talinghaga ng mga binhing inihasik ay matatagpuan din sa mga ebanghelyo ni Markos at ni Lukas. Nguni’t ito’y hindi nangangahulugang kumopya lamang si Mateo. Bagkus, dahil ang talinghagang ito ay matatagpuan pagkatapos ng mga salita ni Jesus sa Mateo 11:25-30 ay magkakaroon ito ng kakaibang kulay at diin.

“Noon ding araw na iyon…”, panimula ni Mateo. Ito ang araw na ipinahayag ni Jesus kung sino ang mga kasapi ng kanyang pamilya. Ang mga talata ay matatagpuan sa 12:46-50. Dumating ang nanay at mga kapatid ni Jesus habang siya’y nagtuturo. Ninais nilang makita siya, nguni’t nang malaman niya ito, sinabi nya: “Sino ang aking ina? Sino ang aking mga kapatid?” Itinuro niya ang mga nakikinig sa kanya at sinabing “Nandito ang aking mga ina at mga kapatid. Ang sinumang gumagawa ng kalooban ng aking Ama sa langit — siya ang kapatid na lalaki, ang aking kapatid na babae, at aking ina.” Sa pagpapatuloy ng yugtong ito sa ika-labingtatlong kabanata, malalaman nating ang mga kasapi sa pamilya ni Jesus ay iyon ding mga sinasabihan niya ng mga sekreto ng kaharian ng langit.

Basahin din ang mga sumusunod na lathalain:

• Mag-aral Tayo: Talinghaga ng mga Binhing Inihasik
• Bibliya Tagala: Ang mga Binhing Inihasik (Mateo 13:1-23)

Talking Points:

• Ang Mateo 11:25-30 Sa Kanyang Kabuuan
• Ang mga tt. 25-27 (Pasasalamat)
  • tt. 25-26 at ang ministeryo ni Jesus
  • ang talata 27 at ang mga katulad na talata sa ebanghelyo ni Juan
• Ang mga tt. 28-30
  • Ang Daan ng Kapahingahan at ang Jeremiah 6:16
  • Si Jesus, ang Shabat ng Ama

BASAHIN

• Mag-aral Tayo: Ang Anak (Mateo 11:25-30)
• Bibliya Tagala: Ang Anak at ang Kapahingahan (Mateo 11:25-30)

PAUNAWA

Upang hindi kayo mahirapan sa pagsunod sa mga paliwanag, mas makakabuting nakabuklat din ang inyong mga Bibliya sa Mateo 11-12:13 habang pinapakinggan ninyo ang podcast na ito.

Talking Points

• Ang Juan 6:51-58 at ang Lugar nito sa kabuuan ng Juan 6
• Ang Juan 6:51-58
  • Ang “Buhay” na Ibibigay
  • Ang Pananahan kay Cristo (Juan 15:4)
• Sagot sa mga nagsasabing “simboliko” ang mga salita ni Jesus sa Juan 6:51-58

Basahin din ang mga sumusunod na lathalain:

• Mag-aral Tayo: Ang Pagkaing Nagbibigay Buhay II
• Bibliya Tagala: Ako ang Tinapay na Nagbibigay-Buhay

PAUNAWA

Upang hindi kayo mahirapan sa pagsunod sa mga paliwanag, mas makakabuting nakabuklat din ang inyong mga Bibliya sa Juan 6 habang pinapakinggan ninyo ang podcast na ito.

Sa ikatlong kabanata ni Juan ay matatagpuan ay may dalawang tagpo: ang pag-uusap ni Jesus at ni Nicodemo tungkol sa kung paanong ang isang tao’y maipapanganak mula sa itaas nang sa gayo’y makapasok sa paghahari ng Diyos, at ang huling pagsasaksi ni Juan Bautista tungkol kay Jesus. Sa loob ng pag-uusap ni Jesus at ni Nicodemo, ay may isang talatang naging popular dahil sa mga grupo ng “Born Again” na mula noong mga 1970s ay ginamit ito upang i-advertise ang mga sarili. Ito ang Juan 3:16; kasama ng mga talatang 17-18, ito ay bumubuo ng mga talatang binansagang “munting ebanghelyo” ni Martin Luther, ang Ama ng Protestantismo.

Pansinin na ang talata 16 ay nag-uumpisa sa katagang “Sapagka’t”. Ipinapaliwanag kasi ng talata 16 ang naunang pahayag tungkol kay Jesus:

kung paanong itinaas ni Moises ang tansong ahas doon sa ilang, gayundin naman, kailangang itaas ang Anak ng Tao, upang ang sinumang sumampalataya sa kanya ay magkaroon ng buhay na walang hanggan.

Ang “pagtataas ng Anak ng Tao” ay tumutukoy sa pagkamatay, muling pagkabuhay at pag-akyat sa langit ni Jesus. Para sa ebanghelista, ang mga kaganapang ito’y isang pagkilos lamang. At sa “pagtataas” na ito’y ipinakita ng Diyos ang kanyang pag-ibig sa sangkatauhan na nais niyang mailigtas at magkaroon ng buhay na walang-hanggan.

Ang katagang “buhay na walang hanggan” ay gagamitin na paulit-ulit sa kabuuan ng ebanghelyo ni Juan. Mga labing-anim na beses ginamit ang katagang “buhay na walang hanggan” sa ebanghelyo ni Juan. Sa ebanghelyong nabanggit, dalawa ang salita para sa buhay, zoe at bios. Ang zoe lamang ang sinasabing “walang hanggan” sapagka’t ito ang buhay na nagmumula sa “itaas”, ang tunay na buhay na Diyos lamang ang maaaring magbigay. Isang pagkakamali ang isiping ang buhay na ito ay buhay pagkatapos ng kamatayan. Hindi. Ang buhay na ito ay maaari nang taglayin ngayon pa lamang. At ito nga ay matatanggap sa pamamagitan ng pagsampalataya kay Jesus, ang Bugtong na Anak. Para itong punla na itinanim sa atin na kapag mabuting naalagaan ay umuusbong, lumalago at namumunga.

Basahin din ang mga sumusunod na lathalain:

• Workshop: Feast of the Holy Trinity (2011, A)
• Mag-aral Tayo: Nang Dahil sa Pag-ibig (Juan 3:16-18)
• Bibliya Tagala: Ang Sumampalataya sa Anak (Juan 3:16-18)

Talking Points

• Tatlong paraan ng pagsasalin sa Juan 7:37-39
• Ang pag-unawang Kristolohiko at ang Kapistahan ng mga Tolda
• Ang Batong pinukpok ni Moyses, at ang mga propesiya nina Ezekiel at Zacarias

Sa podcast tungkol sa pagkikita ni Maria Magdalena at nung isa pang Maria kay Cristong Muling Nabuhay, nabanggit natin na inatasan ang dalawang babae na pumunta sa alagad upang sabihin sa kanila na mauuna ang Panginoon sa Galilea at doon ay nais niyang sila ay makita. At dito nga sa Mateo 28:16-20 ay pumunta na ang mga alagad sa Galilea para makipagkita sa Panginoon.

Ayon kay Mateo, ang mga alagad ay pumunta nga sa Galilea tulad nga ng ipinasabi ni Cristo sa mga babaeng saksi na sinalubong niya sa daan. Nagkita sila sa isang bundok, na sa mga Kasulatan ay lugar ng pagpapakilala ng Diyos. Sa ebanghelyo ni Mateo ay mahalaga ang bundok: dito’y binigkas ni Jesus ang mga pagpapala, dito rin ay nagbagong-anyo si Jesus. Nang si Jesus ay tuksuhin ng demonyo, siya’y dinala sa isang napakataas na bundok upang ipakita sa kanya ang lahat ng kaharian. At sa isang bundok rin ay ipinahayag ni Jesus sa kanyang mga alagad ang kanyang pagiging Panginoon at ang kanyang utos na gawing alagad ang mga bansa.

Basahin din ang mga sumusunod na lathalain:

• Mag-aral Tayo: Gawing Alagad ang mga Bansa
• Bibliya Tagala: Humayo Kayo’t Gawing Alagad ko ang mga Bansa